الإهداءات

قسم القصص الطويلة والقصيرة يوجد هنا اجمل قصص الاطفال والقصص الواقعية وقصص الحب والقصص القصيرة والقصص المضحكة والروايات

إضافة رد
 
أدوات الموضوع البحث في الموضوع اسلوب عرض الموضوع
  رقم المشاركة : ( 1 )  
قديم 01-11-2014, 08:39 AM
الصورة الرمزية ملكة الاحساس
 
ملكة الاحساس

مشرفة عامه+ملكه المنتدى


  ملكة الاحساس غير متواجد حالياً  
المـلـف الـشـخـصـي لـلـعـضـو
رقــم العضويـــة : 15318
تـاريخ التسجيـل : Jan 2014
الإقــــــــامــــــة : عالمي الخاص
المشاركـــــــات : 23,442 [+]
54 (قصه رائعه) مستر حب !

بسم الله الرحمن الرحيم


""""""""""

- مستر بعد اذنك أنا مش فاهمه الحته دي ..

كانت (سمر) تنظر إلى (نجلاء) و معلمها الخصوصي (سامح) بإهتمام بالغ . و تتمنى أن تمتلك أذن قطة دقيقة السمع لتعرف ما يدور الآن بينهم و هم يتبادلان الضحك بصوت منخفض
ثم يرفع (سامح) ظهره ليكمل سيره و شرحه في غرفة السنتر الكبيرة

لتعود (سمر) لتراقب بحركة عينيها السريعة الحضور و نظراتهم اتجاه معلمهم ذو الملامح الفاتنة

و يرن هاتف (سامح) ليتوقف الشرح فجأة ..
لتهمس (سحر) في أذن (سمر)
- شوفتي (آيتن) عملت ايه قبل ما تيجي ؟
سمر : ايه ؟
سحر : قالتله مش فاهمه فصل التكاثر كلو و قالها هشرحهولك لواحدنا بعد الحصة

سامح : كنا بنقول ايه بقى ؟
ثم استكمل سامح شرحه بينما عقل (سمر) يعيش في وادي آخر مع تسارع دقات قلبها و شعورها باحباط و غيرة شديدتين .. لتحادث نفسها ((متى ستنتهي الحصة !؟))

- بعد ساعة -

يتزاحم الطلاب على مكينة التصوير بجانب غرفة السنتر ..و تقف (سمر) بعيدة عن الزحام بينما تقترب خطوات (سامح) منها
سامح : هتروحي انتي بقى
سمر : وراك مشوار ؟
سامح : اه مشوار مهم لازم ألحقه دلوقتي
سمر الخجولة بطبعها لم يستطع لسانها أن ينطق السؤال الذي تتمنى اجابته (ماهو المشوار)
سمر : طيب هروح مع سحر

سحر : يلا يا هانم صورتلك معايا الورق ..
و تنطق (سمر) في رحلة عودتها الى البيت و هي تكاد تحمل قدميها من الأرض
فما الذي يمكن أن تفعله ؟ تترك سحر لتذهب وحدها و تجلس هي تنتظر سامح لتراقب مشواره !؟
لالا يمكنها ان تفعل ذلك لأنها اضعف بكثير من تلك الخطوة

- في طريق البيت -
سحر : بس ايه يا بت الحلاوة و الشياكة دي .. أكيد سامح كان ميت فيكي النهارده
سمر : في الحقيقة كان ميت جدا . لدرجة ان الكلمة الوحيدة اللي قالهالي انه رايح مشوار
سحر : ههههههه مشواره مع آيتن أكيد
سمر تصمت
سحر : ايه يا بت وشك قلب ليه
سمر : لو سمحتي يا سحر اقفلي الموضوع
سحر : يا بت مش انا قولتلك و احنا هناك
سمر : لو سمحت يا اسطى ..نزلني هنا
سحر : يا بت رايحه فين !
سمر : روحي انتي يا سحر ..سلام

تنزل سمر من السرفيس لتستقل سرفيس معاكس لتعود مرة أخرى إلى سنتر الدرس

- في السنتر -
تبحث سمر عن سامح داخل و خارج السنتر . ثم تخرج و هي تلهث من التعب لتبحث عن سيارة سامح
لتكتشف أن لا وجود لها
ثم
تقرر الاتصال بسامح
سامح : ايوه خير
سمر في تردد : أ.ايوه انت فين
سامح : أنا في العربية
سمر : المشوار دا مهم ؟
سامح : مش أنا قولتلك !
سمر : آه عارفه ..أنا بس أصلي نسيت شنطتي فرجعت السنتر آخدها تاني .فتصلت عليك اشوفك فين لأن سحر روحت
سامح : مش هينفع أجيلك طبعا أنا اتأخرت
سمر : خلاص أنا هتصرف عادي
سامح : طيب يلا سلام

تشعر سمر بالغباء و هي في طريق عودتها إلى البيت . فهي تحب دوما أن تظهر بالشكل المهذب الرزين لا أن تظهر بتوتر لتصبح غريبة الأطوار

--------------------
- في البيت و بعد عودتها . قامت بتناول الغذاء ثم استحمت ثم لبست الترنج الأحمر
ثم دخلت في قيلولة صغيرة ..
ثم استيقظت ثم ذهبت لتغسل وجهها . ثم ضربت أختها على افاها و هي معدية
كنزي :آآي يا جزمة... الناس كلها بتطلع طاقتها في الشارع و انتي تيجي تطلعيها في البيت
سمر : و أنا كدا طلعت طاقتي !
كنزي : دي صاحبتك بتقولي انها مش بتسمعلك حس في الشارع
سمر : سحر دي رغاية أصلا ..بقولك روحي اشتريلي 2 تودو و تعالي
كنزي : ايه هو أنا شغاله عندك !
سمر : تؤ ..ماتخلنيش أزعل منك ..خدي 2 جنيه أهم بسرعة كدا أكون خلصت اللي ورايا عشان احكيلك حصل ايه النهارده
كنزي : بس تحكي بضمير
سمر : طبعا يا حبيبتي ..يلا يا حشرية أوام بسرعة

-------------
كنزي : اتفضلي يا ست هانم
سمر : مرسي يا قمراية يا معفنة
كنزي : أنا معفنة !!
سمر : انتي يا بت رجعتي تكلمي الواد أحمد تاني !
كنزي : انتي مين قالك ...فتحتي رسايلي !
سمر : و حد قالك ماتسجليش خروج ..عموما انتي حره بس خلي عندك كرامة شوية . الواد شتمك المره اللي فاتت!
كنزي : ماهو اعتذرلي
سمر : يا عيني ..تصدقي جسمي قشعر
كنزي : بصي بقى فكك من موضوع أحمد دا ..قولي بقى كنتي عايزه تحكي ايه ؟
سمر : ولا حاجه بس كنت عايز اخليكي تنزلي تجيبي التودو
كنزي : و بتقولي عليه أنا اللي معفنة !
سمر : هههههههههه
كنزي : يلا احكي اي حاجه و ركزي معايا و سيبك من الفيس..عملتي ايه مع سامح
سمر : كويسين الحمد لله
كنزي : أظن النهارده كنتي آخر شياكة . قالك ايه على لبسك ؟
سمر : آه ..عجبه و قالي حلو
كنزي : سمر بقى ..ركزي معايا
سمر : ما أنا معاكي يا بت الله
كنزي : لأ مش معايا ..انتي قولتيلي هتحكيلي
سمر : ما أنا حكيتلك أهو
كنزي : انتي مش حكيتي حاجه اصلا
سمر : ما احنا اتكلمنا كلام كبار
كنزي : قلت أدب يعني !
سمر تحدف كنزي بالدبدوب اللي كان على حجرها : يلا يا جزمة
كنزي : مش انتي اللي بتقولي
سمر : أنا قصدي كلام ناس كبيرة مش هتفهميه ..انتي لسه في تانية اعدادي
كنزي : لا ظريفة و النبي
سمر : مافيش حاجه يا كنزي ..كلام عادي ازيك عامله ايه و اخبار ماما ايه و كدا
كنزي : يعني عينه مش راحت لبت كدا و لا كدا
سمر : و هو يقدر دا انا كنت ابهدله
كنزي : اتنيلي دا انتي بتبقي معاه زي الفار
سمر تنهض فجأة لتلاحق كنزي التي تصرخ و هي تضحك : يا مامي !

أم سمر : بس يا بت يا سمر ..بطلي لعب العيال دا
سمر : بنتك لسانها طويل
أم سمر : روحي شوفي سحر على التليفون

-----------
سمر : أيوه يا هانم
سحر : ايه عملتي ايه
سمر : و لا حاجه ..
سحر : ايه مش لاقيتيه هناك ؟
سمر: لأ
سحر : ههههههه يبقى اخدها و راح يا حبيبتي
سمر : لا أنا كلمته و كان في العربية رايح مشواره
سحر : كان رايح فين ؟
سمر : قالي مشوار مهم
سحر : طبعا ..ماهي أيتن دي مهمة
سمر : بطلي بقى يا سحر تخلي دماغي تروح شمال كدا
سحر : و النبي انتي عبيطه و هو بيستهبلك
سمر : و انتي ايه اللي يأكدلك حاجات زي كدا اصلا
سحر : سمر انتي بتستعبطي صح ؟
سمر : أنا برضو !
سحر : يا بت بقولك أنا كنت جنب ايتن و هو بيقولها هشرحهالك بعد الدرس مع بعض سوا لواحدينا
سمر : مش هو المستر بتاعها
سحر : ما انتي مش شوفتي آيتن كانت بتكلمه ازاي
سمر : و بعدين بقى يا سحر
سحر : خليكي عبيطه كدا يا نعامة
سمر : أنا واثقة في سامح
سحر : ههههههه بأمارة البنات اللي بيهرج معاهم؟
سمر : سحر لو سمحتي دا في مقام خطيبي مش تتكلمي عنه كدا
سحر : عموما ربنا يوفقكم انا و الله يا حبيبتي بتمنالك الخير . بس لازم تبقي مفتحه كدا و مش تسيبي الراجل يبص لدي و لدي ..ماحدش يعرف اصلا انه راسم على خطوبتك غيري
سمر : و ايه اللي أقدر أعمله !؟
سحر : اقولك ..كلمي البت آيتن و نخوري وراها كدا و اعرفي هو راح معاها و لا لأ
سمر : أنا مش معايا رقم آيتن
سحر : طب بصي دا رقم نحلاء ..كلميها و خدي منها رقم آيتن

----------------------
نجلاء : أيوه مين
سمر : أنا سمر يا نجلاء
نجلاء : ازيك يا سمر
سمر : الحمد لله عامله ايه
نجلاء : كويسه
سمر : ذاكرتي حصة النهارده ؟
نجلاء : و لا فاهمه فيها حاجه ..انا مش بحب الاحياء ..بحب المستر بس هههههههه
سمر تصمت لفترة
نجلاء : و الله سامح دا زي العسل ..نفسي اقوله تعالى اتجوزني ههههه
سمر : اه هو لذيذ ...
نجلاء : جدا
سمر : و كنتوا بتضحكوا و بتقولوا ايه النهارده في الحصة
نجلاء : كنت راسمه قلب و فيه حرف اس ..شافه و ضحك و قالي براحة شوية مش كدا
سمر : براحة ايه ؟
نجلاء : هههههه انتي مهتميه بالموضوع ليه ..و الله بتبقى حصة عسل
سمر : مش مهتمية و لا حاجه بس دي تفاهه اللي بتعمليها دي
نجلاء : انتي اصلا كئيبة موت
سمر : معاكي رقم آيتن ؟
نجلاء : اه معايا ..ليه ؟
سمر : اصلها نسيت كتابها هناك و اخدته معايا فعايزه اقولها عشان مش تدور عليه
نجلاء : طيب هبعتهولك مسج ..مش دا رقمك ؟
سمر : ايوه
نجلاء : خلاص تمام

--------------------------
سمر : ايوه ازيك يا أيتن أنا سمر
آيتن : معلش فكريني انتي مين
سمر : أنا سمر اللي باخد معاكي بيولوجي
آيتن : أه ازيك يا حبيبتي . معلش بس عشان أول مره اكلمك
سمر : لا و لا يهمك ..أخبارك ايه ؟
آيتن : الحمد لله تمام
سمر : بقولك هو معاد الحصة اتغير و لا زي ماهو ؟
آيتن : حصة ايه ؟
سمر : البيولوجي
آيتن : زي ماهو ..ايه اللي هيغيره
سمر : اصل سحر بتقولي اتغير .عشان كدا بكلمك
آيتن : لا هو زي ماهو ..لو كان اتغير كان مستر سامح قال
سمر : خلاص يبقى زي ماهو ..هي سحر دي بتسرح مع نفسها كدا و ساعات بتشتغلني
آيتن : عامله ايه ؟
سمر : مين
آيتن : سحر
سمر : آه ..كويسه ..كويسه الحمد لله ..انتي فاهمه اللي أخدناه كلو ؟
آيتن : اه يعني شغال ..اللي مش بفهمه بقول للمستر عليه
سمر : النهارده شرحلك حاجه ؟
آيتن : اه
سمر : كان بعد الحصة ؟
آيتن : و دا يلزمك في ايه ؟
سمر : لا و لا حاجه بسألك بس عشان أنا في حاجات مش فهماها و المره اللي جايه عايزين نبقى نسأله سوا
آيتن : قوليله يا حبيبتي انا مش فاهمه الموضوع الفلاني و هو مش هيقصر معاكي
سمر : اه ما أنا عارفه ..هو كويس مع الكل بالذات معاكي
آيتن : بقولك ايه ..لو قولتي نص كلمة تاني تلمحي لحاجه همسح بيكي الأرض
سمر : تمسحي بمين الأرض !
آيتن : أنا عارفه انتي عماله تلفي و تدوري على ايه من الصبح
سمر : طيب شكرا

تغلق سمر الهاتف و يداها ترتعشان
فقد صدمتها آيتن بشكل مفاجئ في الحوار . و لم تتمكن من الوصول لما تريده بل أنها قد دعست على كرامتها

تفكر في هدوء ..ثم تتصل مجددا
سامح : ايوه
سمر : ايوه يا سامح فاضي و لا مشغول
سامح : اتفضلي بس مش تطولي
سمر : بص يا سامح بصراحة كدا أنا مش مرتاحه
سامح : مش مرتاحة !!
سمر : يعني من بصات البنات و كلامك معاهم ..أنا بحاول امسك نفسي و اسكت بس بصراحة كدا اوفر يعني
سامح : طب أنا هقفل عشان ورايا حاجات مهمة
سمر : سامح ..
((انقطع الاتصال))
سمر : ايه اللي انا هببته دا ..ايه اللي أنا هببته دا
سمر تحاول الاتصال مجددا بسامح..
سامح لا يجيب ......

ترسل سمر رسالة له و الدموع تملئ عينيها ((انا آسفة يا سامح و الله مش قصدي اني تعبت من علاقتنا . انا عارفه انك حد كويس و انا واثقة فيك بس دا غصب عني ..ياريت ترد عليا))
تحاول سمر الاتصال بعدها أكثر من مرة و لكن لا مجيب

و في محاولة أخيرة من سمر قبل أن تنام ...تتصل بسامح..
سامح : ايوه
سمر : أخيرا رديت
سامح : ماكنتش هقدر اتكلم معاكي في حاجات زي كدا و انا لسه ورايا شغل
سمر : طيب خلصت ؟
سامح : آه
سمر : معلش مش تزعل مني و الله ماكنت أقصد أشكك فيك
سامح : بصي ..أنا لما كلمتك قولتلك أنا عايز أكلم أبوكي ..حصل ؟
سمر : حصل
سامح :قولتيلي بعدها كلم مامتي و خلي ابويا بعدين لما اخلص الثانوية العامة . صح ؟
سمر : صح
سامح : يبقى أنا عملت اللي عليه و لا لأ ؟
سمر : عملت
سامح : يبقى استاهل منك التشكيك ؟
سمر : لأ طبعا أنا آسفة
سامح : أنا ما أقبلش ان البنت اللي اتقدملها تشكك فيه ..لو شاكه من دلوقتي قولي و ننهي الموضوع
سمر : لا لا أبدا و الله ..أنا غلطانه يا سامح و بعتذرلك ..و أوعدك مش هتتكرر
سامح : طيب نعديها المرادي ..و ذاكري كويس عشان الامتحانات قربت
سمر : حاضر
سامح : خلي بالك لو مش لحقتي صيدلة مش هكمل
سمر : بتهزر صح ..
سامح ..تصبحي على خير

تهدأ سمر بعد أن استراح قلبها لتنهي يوم شاق مع دخولها في النوم..

----------------------
بعد أسبوع..
تستعد سمر لحضور حصة (سامح) من جديد و ترتدي أفضل مالديها من ملابس
و تقرر ان تحضر في وقت متأخر كالعادة ..فهي شخصية انطوائية لا أصدقاء لها بإستثناء سحر
ثم أنها لا تريد أن تنظر إلى آيتن و لو لنظرة واحدة بعد آخر مكالمة تمت بينهم

- في الطريق -
سحر : أخبار المز بتاعك ايه ؟
سمر : كويس
سحر : هو ليه كدا بحس انه جاف معاكي مع انه حلو مع الناس كلها
سمر : جاف ازاي ماهو كويس معايا
سحر : يا شيخه ..طب بذمتك بيقولك كلمة واحده بس حلوة ؟
سمر : مممم هو شخصيته كدا يا سحر
سحر : شخصيت مين بس يا حاجه ..هو في حاجه اسمها شخصيته في الحب
سمر : أيوه في
سحر : و الله انك عبيطة ..دا أنا فكرتك هتقوليلي انه بيقولك بس انتي مش بتقولي ..الائيكي بتقوليلي شخصيته !
سمر : آه و الله كنت ريحت دماغي منك و قولتلك كدا
سحر : أنا مش عارف انتي طايقه نفسك كدا ازاي بصراحة ..دا سامح دا ماكنش بيبطل يغازل في آيتن
سمر : آيتن !
سحر : آه ياختي ..جاتك خيبه عليكي

----------------------
-في الحصة -
تدخل سمر بعد أن بدا سامح بالشرح . فتأخذ اقرب كرسي لتجلس عليه
لتتفقد من حولها ..أين هي آيتن !
الحمد لله ..ايتن بعيدة ..اين نجلاء ؟
تمر عينيها على الحضور مرة ..مرتين ..ثلاث مرات ..اين نجلاء ؟ ألم تحضر اليوم ؟
ثم تسمع صوتها قريب جدا منها ..انها تجلس أمامها مباشرة !
نجلاء : مستر سامح بعد اذنك
سامح : اتفضلي
نجلاء : هو أنا الجزء بتاع الاسبوع اللي فات مش فهمته ..
سامح : يعني انتي مافيش حصة تعدي بسلام !
نجلاء : ههههههه و النبي يا مستر مش تسيبني كدا أنا حاسه اني ضايعه
سامح : طيب بعد الحصة نشوف
نجلاء : مرسي يا قمر
سامح يبتسم : احنا تحت أمرك

سمر : لو سمحت يا مستر سامح ممكن نخش في الحصة ! (قالتها سمر في جرأة مفاجئة ان فكرت قبلها لما فعلتها )
و يقف سامح للحظات في صمت و استغراب !
ثم يكمل في الحصة ..

تلاحظ سمر أنه يتنجب النظر اليها تماما طوال الدرس

و مع انتهاء الحصة ..
تقرر سمر المكوث على كرسيها حتى ينصرف الحضور
و يتبقى فقط آيتن و نجلاء ..يقترب كل منهما على حده من سامح
و فجأة يعلوا صوت سامح ..
سامح : تعالي هنا يا سمر ..

سمر في خجل و استحياء تقترب منهم
سامح : انتي اتخانقتي مع آيتن ليه بقى ؟
سمر : مش عارفه انا مش قولتلها حاجه
آيتن : شتمتني يا مستر شتيمه مش كويسه و هزقتني
سمر : ابدا ما حصلش و الله ..انا كنت بكلمها عشان اتأكد من معاد الحصة بس
نجلاء : يعني مش عشان تديلها الكتاب اللي نسته !
سمر : الكتاب ..اه ماهو طلع مش بتاعها ..
سامح : كفايه كدا يا سمر ..و عيب انتوا زمايل كلكم هنا ..اعتذريلها
سمر : بس...أنا مش عملت ..
سامح : اعتذروا لبعض
آيتن : خلاص حصل خير أنا مش زعلانه منها
سامح : طيب استاذن أنا بقى ..
نجلاء : يا مستر مش هتشرحلي اللي مش فهماه
سامح : لا مره تانية بقى ..ابقي كلميني و نتفق ..يلا سلام عليكم

يخرج سامح ..و تجد سمر نفسها في موقف محرج مع نجلاء و آيتن
آيتن : ما تفتكريش يعني انه بيحبك !
سمر : انتي كذابة
نجلاء : و انتي يا ماما ايه !؟ يا بتاعت الكتاب

ثم تخرج سمر مسرعة من الغرفة و هي تبكي
تستقل سيارة أجرة دون انتظار سحر و تعود إلى بيتها و تغوص في النوم لعلها تنسى مواقف اليوم التعيسة

------------------------
تستيقظ سمر .في صمت و هي تفكر و تسترجع ماحدث..
و تقرر مخاصمة سامح لفترة الذي أحرجها

كنزي : ايه ..النهارده مالك كدا تعيسه
سمر : أنا طول عمري تعيسه
كنزي : هو انتي اه تعيسه بس مش كدا ..مالك قولي
سمر : أبدا ..
كنزي : سمر احكيلي بقى و بطلي رخامة


سمر بعد فترة سكوت : مخاصمة سامح
كنزي : أووبا ..أكيد عمل حاجه و لعب بديله
سمر : اه حاجه زي كدا
كنزي : و انتي بقى بتربيه ؟
سمر : لازم اعمل كدا عشان يحس بيه شوية
كنزي : و تفتكري هيحس ؟
سمر : ........لو مش بيحس يبقى مش يلزمني في حياتي

-------------------------
يمر اسبوع دون اي اخبار عن سامح ..كان الأسبوع ثقيل جدا على (سمر) فمهما حاولت التظاهر بالقوة أمام أختها الا ان الحب قد أهلك قلبها

تذهب سحر إلى الحصة دون سمر و التي قد خاصمتها أيضا بعد ان تركتها في حصة الأسبوع الماضي
و تشعر سمر بأن ابليس اللتات قد مات

يبدأ سامح الشرح كالعادة
سامح : النهارده ان شاء الله آخر حصة مراجعة ..خلاص الكام يوم اللي فاضلين تركزوا فيهم كويس و تذاكروا و مش تضيعوا وقتكم في دروس تاني

........
و مع انتهاء الحصة
تنتظر سمر ردة فعل من سامح اتجاهها ..فهذه هي الحصة الأخيرة التي ستشاهد فيها سامح
يودع سامح الحضور : نشوفك على خير ان شاء الله ..و عايزين نسمع اخبار حلوة عنكم

و يخرج بعدها سامح مسرعا إلى الخارج ..و بنفس السرعة تتساقط دموع سمر من عينيها ..
لتعود بعدها إلى البيت و تقرر اغلاق هاتفها لمدة شهر و حتى انتهاء الاختبارات ..


--------------
مر شهر الاختبارات و انتهى بسلام بعد أن اعتادت سمر فراق سامح
و لكنها عانت من اضطرابات في المشاعر اثر فيها أثناء المذاكرة . كانت تسعى في هذه السنة ان تتجاوز ال97% حتى ترفع من نسبة العام الماضي و التي كانت 95%
و لكنها بعد الاختبارات توقعت ان تكون نسبتها هذا العام اقل من العام الماضي

بحثت سمر عن هاتفها المغلق منذ شهر و أعادت تشغيله بعد يومين من انتهاء الاختبارات

فكرت كثيرا قبل الاتصال بسامح ..
ثم قررت انتظار الاتصال منه أولا

مر أول اسبوع دون ان يتصل أحدهم بالآخر
ثم قررت ان تبادر هي بالاتصال ..

سامح : ايوه
سمر : ايوه ازيك
سامح : كويس .
سمر : مافيش مبروك عشان خلصت و لا حاجه
سامح : مبروك
سمر : الله يبارك فيك

و فجأة تشعر سمر بأن الأمر قد انتهى بالنسبة إلى سامح !
سمر : ساكت ليه ؟
سامح : خلاص أنا مهمتي انتهت ..دوري اني اساندك قبل الامتحان و بعد الامتحان خلاص ببقى ماضي
سمر و الدموع في عينيها : ليه مش يبقى في أحياء في المستقبل !؟
سامح : لا خلاص كدا انتي كبرتي ..و ان شاء الله ربنا يوفقك في حياتك
سمر : سامح انت زعلان مني ؟
سامح : ابدا هزعل منك ليه ..انا مبسوط اني بسمع صوتك
سمر : طب انت ليه بتكلمني كدا بعد كل الغياب دا !؟
سامح : مش أنا اللي غبت
سمر : و انت ناوي على ايه ؟
سامح : ناوي على شغل ورايا و نبقى نتكلم في يوم تاني ..ماشي
سمر : سلام
أغلقت سمر المكالمة بعد أن أدركت أن الأمر قد انتهى ..


------------
بعد انتهاء الاسبوع الثاني جاء يوم اعلان النتيجة ..
لم تسعد سمر بنتيجتها ..
و شعرت بملل كبير ..فحتى صديقتها سحر الوحيدة انقطعت علاقتها بها منذ فترة طويلة

قررت الاتصال بسامح و هي تشعر بالمهانة
سامح : ايه نقول مبروك ؟
سمر و هي تبكي : لأ
سامح : طيب تعالي قابليني عند السنتر أنا هناك لواحدي دلوقتي ..

شعرت سمر بسعادة رغم كل ما تعانيه من احباط و تقرر الذهاب إلى سامح هناك

----------------
- في السنتر -

سامح : فاكره أنا كنت قولتلك ايه ؟
سمر : لو مش دخلتي صيدلة مش هكمل معاكي
سامح : انتي حاسه انك هتدخليها ؟
سمر : ب93 !!
سامح : ههههههه يبقى الموضوع انتهى حسب اتفاقنا و لا ايه ؟
سمر : عموما انت بدور على شهادة ..أنا كنت بدور على حب
في بنات كتير بيتمنوك عشان شكلك بس انا حبيت شخصيتك قبل شكلك
سامح : بنات زي مين كدا ؟
سمر : كتير ..
سامح : قولي اسماء
سمر : نجلاء ..
سامح : و فين نجلاء دلوقتي ؟
سمر : معرفش
سامح : و لا أنا أعرف
سمر : و آيتن
سامح : تعرفي ايه عن آيتن ؟
سمر : أعرف انها بتحبك زي بنات كتير
سامح : يا شيخه ..بقى البت تعرف عنك كل حاجه و انتي و لا تعرفي عنها حاجه !
سمر : حاجة ايه !
سامح : ماتعرفيش مثلا اني كنت اتقدمت لأبوها و رفض قبلك
سمر : و ليه مش قولتلي ؟
سامح : تفتكري انا ليه كنت بقولك نخلي علاقتنا سرية خلال الفترة دي ؟
سمر : مممممم
سامح : عشان ماكنتش عايزك تعيشي في جو كلو حساسية بينك و بين البنات التانية . و أنا عارف كمان انك انطوائية. هو للأسف آيتن عرفت موضوعنا منك
سمر : بس أنا مش قولت لحد
سامح : و لا حتى لسحر ؟
سمر :..ممممممم
سامح : عموما انا كنت عارف ان آيتن بتكذب في موضوع انك شتمتيها
سمر : طب و ليه احرجتني كدا معاهم يومها !!
سامح : عشان انتي قبلها احرجتيني لما قولتي يا مستر ممكن نكمل شرح
سمر : يعني كنت بتردهالي !؟
سامح : حاجه زي كدا
سمر : طب و انت بتحب آيتن صح ؟
سامح : الأول عجبتني بس بعد ما ابوها رفضني ..فضلت هي متعلقة بيه ..بعد كدا اكتشفت صفات سيئة كتير فيها و قولت في بالي كويس انها جت من ابوها لاني ما أظنش كنت هقدر استمر معاها

سمر : و انت جايبني هنا ليه دلوقتي ؟ اذا كنت مقرر اني خلاص ماانفعكش
سامح : انتي عرفتي قراري النهائي ؟
سمر : مش انت اللي قايل لازم مش اقل من صيدلة ؟
سامح : و تفتكري أنا قولتلك كدا ليه ؟
سمر : معرفش انت اللي تقولي ؟
سامح : الكلمة دي كانت بتخليكي تذاكري ؟
سمر : اه
سامح : بس خلاص ..الهدف منها خلص و انتهى
سمر : يعني ايه ؟
سامح : يعني انتي باباكي فاضي امتى


((تمت))
للمزيد من مواضيعي

 

الموضوع الأصلي : (قصه رائعه) مستر حب !     -||-     المصدر : منتديات خليك معايا     -||-     الكاتب : ملكة الاحساس


أخر مواضيع ملكة الاحساس في المنتدى



بَعض الطُرق نسلكها ؛ وَ نحن عَلى يَقين أن نهايتها مؤلمة !
ولكن نحن بِ أمس الحاجه لسعادتها المؤقتة

m l a k
رد مع اقتباس
  رقم المشاركة : ( 2 )  
قديم 01-11-2014, 11:48 PM
الصورة الرمزية ام اديب
 
ام اديب

رئيسة الأقسام الإسلامية وأقسام المرأة+حبيبة المنتدى


  ام اديب غير متواجد حالياً  
المـلـف الـشـخـصـي لـلـعـضـو
رقــم العضويـــة : 15312
تـاريخ التسجيـل : Jan 2014
الإقــــــــامــــــة : في قلوب الناس يلي بحبوني
المشاركـــــــات : 5,487 [+]
افتراضي رد: (قصه رائعه) مستر حب !

بسم الله الرحمن الرحيم
يعطيكِ العافية وما تحرمينا
من جديدكِ ……. لكِ مني
كل الشكروالتقدير دمت
بحفظ الله ورعايته


أخر مواضيع ام اديب في المنتدى





)) احلى كلام مر علي ((
لاتعتمد على [الحب] فهو نآدر...

ولآتعتمد على [آلآنسان] فهو مغآدر.. ولكن أعتمد على [الله] فهو آلقآدر


يَآربّ كمّآ جَعْلتّ كل نبَضْة تزْيَد منَي عمراً

فـ آجَعْلهّآ تزيَدْنَيِ مَنْـك قَربَاً

♥♥ اللهُــــــمَّ إجعــــــلْ حُضُوري في قُلوُوبِ الناسْ كالمَطــر,,,
يبعثُ الربيع,,ويسقِي العطشَى..,,♥♥





رد مع اقتباس
  رقم المشاركة : ( 3 )  
قديم 01-12-2014, 05:00 PM
الصورة الرمزية ملكة الاحساس
 
ملكة الاحساس

مشرفة عامه+ملكه المنتدى


  ملكة الاحساس غير متواجد حالياً  
المـلـف الـشـخـصـي لـلـعـضـو
رقــم العضويـــة : 15318
تـاريخ التسجيـل : Jan 2014
الإقــــــــامــــــة : عالمي الخاص
المشاركـــــــات : 23,442 [+]
افتراضي رد: (قصه رائعه) مستر حب !

بسم الله الرحمن الرحيم

شكرا لمرروك الذي عطر المكان

ونشر بشذاه أركان موضوعي

فبارك الله فيك


أخر مواضيع ملكة الاحساس في المنتدى



بَعض الطُرق نسلكها ؛ وَ نحن عَلى يَقين أن نهايتها مؤلمة !
ولكن نحن بِ أمس الحاجه لسعادتها المؤقتة

m l a k
رد مع اقتباس
إضافة رد

مواقع النشر (المفضلة)

الكلمات الدليلية (Tags)
(قصه, لستر, رائعه)

أدوات الموضوع البحث في الموضوع
البحث في الموضوع:

البحث المتقدم
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نغمة رائعه وجميلة جدا ومميزه رنة ياقلب أعشق دنياه mp3 رائعه جدا أطياف راحلة مقاطع البلوتوث والنغمات 1 02-03-2013 05:55 PM
انشودة أصبر على جرحي وأداويه بأوهام mp3 أطياف راحلة الصوتيات والمرئيات والخطب الاسلاميه 1 09-17-2012 12:11 PM
جميع حلقات مستر بن Mr.Bean nana cool تحميل المسلسلات 1 08-29-2012 03:31 PM
رائعه من نغمات 2012 تحميل نغمة كثرت فيا الأحزان mp3 رائعه جدا ومميزه ياسمينة البنفسج الصوتيات والمرئيات والخطب الاسلاميه 1 08-24-2012 11:00 PM
رائعه نغمات 2012 تحميل نغمة كثرت فيا الأحزان mp3 رائعه جدا ومميزه أطياف راحلة مقاطع البلوتوث والنغمات 1 06-14-2012 03:33 AM

صور الفنانين      اغانى عربية      افلام عربية      افلام اجنبية     تحميل كليبات     تحميل مسلسلات       تحميل مسرحيات       تحميل برامج     تحميل العاب       صور x صور      غرائب

افراح      نكت مضحكة      اهداف كرة القدم      كلمات الاغانى      كلمات الحب      اخبار السياسة      أخبار الرياضة       مقاطع الفيديو       المرأة والطفل       بنات وبس       شباب x شباب


الساعة الآن 12:18 AM.


Powered by vBulletin® Version 3.8.5
Copyright ©2000 - 2018, Jelsoft Enterprises Ltd
Hosted By MWQE.COM

>> الكلمات الدلالية << 

2017  -  غرائب  -  صور  -  صور الفنانين  -  صور سيارات  -  صور مضحكة  -  مشاهدة  -  فيديو  -  أهداف  -  تحميل  -  تحميل أغنية  -  تحميل ألبوم  -  تحميل فيلم  -  تحميل مسرحية

تحميل مسلسل  -  تحميل لعبة  -  تحميل برنامج  -  كلمات الأغاني  -  كلمات الحب  -  ديكورات  -  أزياء  -  موضة  -  مصارعة حرة  -  برامج  -  ألعاب  -  أغاني  -  كليبات  -  أفلام عربية

أفلام أجنبية  -  أفلام هندي  -  مسرحيات  -   مسلسلات عربية  -  مسلسلات أجنبية  -  مسلسلات تركية  -  مسلسلات هندية  -  نكت  -  رسائل حب  -  أخبار الرياضة  -  أخبار السياسة

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا

* ضع إعلانك هنا